Túrkııada iri órtten 18 kásiporyn zardap shekti

ADANA. QazAqparat - Adanadaǵy qoqys óńdeý zaýytynda belgisiz sebeptermen órt shyqty. Jalyn kosmetıka fabrıkasy men basqa da kásiporyndarǵa jyldam tarady, dep habarlaıdy QazAqparat «Anadoly» agenttigine silteme jasap.

Habarlama alynǵannan keıin órt shyqqan aımaqqa jedel járdem brıgadalary, polıtsııa jáne órt sóndirý bólimsheleri jiberilgen.

Órtten 18 kásiporyn zardap shekti.
Adana gýbernatory Súleıman Elban jýrnalısterge órttiń az ýaqyt ishinde basqa kásiporyndarǵa taraǵanyn aıtty. Óńirge jaqyn mańdaǵy provıntsııalardyń órt sóndirýshileri de kele bastady.
«Bir qýantarlyǵy – adam shyǵyny joq. Órtten zardap shekken kásiporyn sany – 18», - dedi Elban.
Jalyndy aýyzdyqtaý jumystary jalǵasyp jatyr. Oqıǵa sebebi anyqtalýda.