Túrkııada iri oppozıtsııalyq partııanyń kóshbasshylary ustaldy
ASTANA. QazAqparat - Túrkııada iri oppozıtsııalyq kúrd halyqtar demokratııasy partııasynyń (HDP) eki teń tóraǵasy jáne alty depýtaty ustaldy.
Partııa ókiliniń aıtýynsha, 4 qarashada, jumaǵa qaraǵan túni polıtsııa partııanyń teń tóraǵasy Fıgen ıÝksedagdy ustady, ony ustaý kezinde úıdiń esigi syndy. Jarty saǵattan soń Selahattın Demırtash ustaldy, dep jazdy Lenta.ru.
Demırtash óziniń tvıtterine: «Úıimniń aldynda polıtsııa tur, meni ustaǵysy keletin sııaqty», dep jazdy.
Ázirge oqıǵanyń qaı qalada bolǵany belgisiz. Demırtashtyń Ankara men kúrdterdiń beıresmı astanasy Dııarbakyrda eki úıi bar. Teń tóraǵalarmen bir ýaqytta HDP atynan saılanǵan Túrkııa parlamentiniń 14 depýtaty da ustaldy. Olardyń arasynda Zııa Pır, Gýlser Iyldyrym jáne teń tóraǵa orynbasary Syrry Sýreııa Onder bar.
Partııa ókiliniń málimetterine súıensek, ustaý operatsııalary Ankara, Dııarbakyr jáne Mardınde biz mezgilde júrip jatyr. Kúrd saıasatkerleri Túrkııa bıligin Irak pen Sırııa aýmaǵynda «IM» lańkestik tobymen emes, kúrd kúshterimen kúresip jatyr dep birneshe ret aıyptaǵan bolatyn. Prezıdent Rejep Taıyp Erdoǵan óz kezeginde HDP partııasyn kúrdterdiń qarýly jasaqtarymen baılanysy úshin synaǵan edi.
