Túrkııada Irannan ushyrylǵan ballıstıkalyq oq-dári joıyldy
ASTANA. KAZINFORM — Iran aýmaǵynan ushyrylyp, Túrkııa áýe keńistigine kirgen ballıstıkalyq oq-dári NATO-nyń Shyǵys Jerorta teńizinde ornalastyrylǵan áýe jáne zymyranǵa qarsy qorǵanys júıeleri arqyly zalalsyzdandyryldy. Bul týraly Túrkııanyń Ulttyq qorǵanys mınıstrligi málimdedi.
— Oq-dáriniń synyqtary Gazıantep provıntsııasy aýmaǵyndaǵy shóleıt jerge qulady. Oqıǵa saldarynan qaza tapqandar nemese zardap shekkender joq, — delingen habarlamada.
Vedomstvo Túrkııanyń tatý kórshilik qatynastar men óńirlik turaqtylyqqa erekshe mán beretinin atap ótti.
— Degenmen elimizdiń aýmaǵy men áýe keńistigine baǵyttalǵan kez kelgen qaýip-qaterge qarsy barlyq qajetti sharalar batyl ári kidirissiz qabyldanatynyn taǵy da atap ótemiz, — dep málimdedi mınıstrlik.
Sondaı-aq vedomstvo bul máselede Túrkııanyń eskertýlerin saqtaý barlyq taraptyń múddesine saı keletinin eske saldy.
Eske salsaq, 4 naýryzda Túrkııa qorǵanys mınıstrligi Irannan baǵyttalǵan zymyrannyń joıylǵanyn habarlady.
Keıinnen Erdoǵan Irannan ushyrylǵan zymyrannyń joıylýyna qatysty pikir bildirdi.
Óz kezeginde NATO Túrkııaǵa jasalǵan zymyran shabýylynan keıin áskerı daıyndyǵyn kúsheıtetini málim boldy.