Túrkııada ınternettegi shekteýge qarsy narazylyq sherýi ótýde
ASTANA. 19 qańtar. QazAqparat - Túrkııalyq polıtsııa Ystambuldaǵy jáne Ankaradaǵy sherýshilerdi taratý úshin sý atqyshtardy, kózdi jasaýratatyn gazdy jáne rezına oqtardy paıdalandy.
Bul narazylyq sherýi el bıliginiń ınternetke shekteýler engizý josparyna baılanysty týyndady.
Túrkııalyq quqyq qorǵaýshylardyń paıymynsha, ótken aptada parlamenttiń qabyldaǵan shekteýleri ınternetti úkimet tarapynan qadaǵalaý sharalaryn kúsheıtýge alyp keledi.
Óz kezeginde bılik jaǵy balalar pornografııasyn qamtyp turǵan saıttardy, sondaı-aq jalpy pornosaıttarǵa qoljetimdilikti shekteýge talpynyp otyrǵandyqtaryn alǵa tartýda.
