Túrkııada ınternettegi qylmystyq toptarǵa qarsy arnaıy operatsııa bastaldy
ASTANA. KAZINFORM – Túrkııanyń 48 provıntsııasynda ınternet arqyly zańsyz áreket etken 1 008 kúdiktini ustaýǵa buıryq berildi. Bul týraly Kazinform agenttiginiń Ankaradaǵy menshikti tilshisi habarlaıdy.
Túrkııanyń quqyq qorǵaý organdary tsıfrlyq platformalar arqyly áreket etetin qylmystyq toptarǵa qarsy búkil el boıynsha arnaıy operatsııa júrgizip jatyr. Osyǵan baılanysty eldiń 48 provıntsııasynda 1 008 adamdy ustaýǵa order berildi.
Hürriyet Daily News basylymynyń málimetinshe, qylmystyq top áleýmettik jeliler men messendjerlerde jaldamaly kisi óltirýshilerdi izdeıtin toptar qurǵan. Olar qorqytý jáne balaǵattaý sıpatyndaǵy jazbalar jarııalap, qylmystyq áreketti qoldaıtyn materıaldar taratqan. Buǵan qosa ınternet arqyly óz áreketterin úılestirip otyrǵan.
Quqyq qorǵaý organdary qylmystyq toptardyń ózara qaqtyǵystaryn áleýmettik jelilerge shyǵaryp, zańsyz áreketterdi qalypty qubylys retinde kórsetýge tyrysqanyn anyqtady. Mundaǵy maqsattyń biri – jastardy qylmystyq ortaǵa tartý.
Operatsııany Kontrabanda jáne uıymdasqan qylmysqa qarsy kúres basqarmasy úılestirip otyr. Arnaıy sharaǵa Túrkııanyń Ulttyq barlaý uıymy, polıtsııanyń barlaý bólimsheleri jáne Kıberqylmysqa qarsy kúres departamenti jumyldyrylǵan.
Eldiń ishki ister mınıstri Mustafa Chıftchıdiń aıtýynsha, bılik qylmystyq toptardyń qandaı akkaýnttar men jasyryn baılanys arnalaryna júgingenine qaramastan, olardyń zańsyz áreketine tosqaýyl qoıady. Uıymdasqan qylmysqa qarsy kúres endi tsıfrlyq keńistikti de qamtıdy.
Buǵan deıin Túrkııa uıymdasqan qylmystyń jańa túrlerimen kúresý úshin terrorızmge qarsy bólimshelerdi ornalastyratynyn habarlaǵan bolatynbyz.
Aqzat Jıenalına
