Túrkııada ınflıatsııa boıynsha derekter jarııalandy
ASTANA. KAZINFORM — Túrkııadaǵy jyldyq ınflıatsııa shildede 31,75%-ǵa deıin baıaýlady, dep habarlaıdy Kazinform agenttiginiń Ankaradaǵy menshikti tilshisi.
Túrkııa statıstıka ınstıtýty (TÜİK) shilde aıyndaǵy ınflıatsııa týraly derekterdi jarııalady. Esepke sáıkes, tutyný baǵalary maýsym aıymen salystyrǵanda 1,78%-ǵa ósti, al jyldyq ınflıatsııa 31,75%-ǵa deıin tómendedi.
Jyldyq baǵanyń eń úlken ósimi turǵyn úı, kommýnaldyq qyzmetter jáne energııa tasymaldaýshylary (40,32%), azyq-túlik jáne alkogolsiz sýsyndar (37,53%) jáne kólik (30,83%) sanattarynda tirkeldi.
Shilde aıyndaǵy derekter jarııalanǵannan keıin jaldaý aqysynyń eń joǵary ındeksatsııasynyń kólemi anyqtaldy. Tamyz aıynda turǵyn úı jáne kommertsııalyq bólmelerdi jaldaý aqysynyń eń joǵary ósimi 31,9%-dy quraıdy.
Mysaly, eger jalǵa alýshynyń jyldyq jaldaý aqysyn qaraý kúni 2026 jyldyń tamyz aıy bolsa, turǵyn úı nemese kommertsııalyq múliktiń ıesi jaldaý aqysyn 31,9%-dan artyq kótere almaıdy.
Alaıda 31,9%-dyń mindetti túrde ósý emes, 12 aılyq ortasha ınflıatsııaǵa negizdelgen joǵarǵy shegi ekenin túsiný mańyzdy. Taraptar az ósimge kelise alady, biraq bul kórsetkishten aspaýy kerek.
Osyǵan deıin elimizde ınflıatsııa qarqynynyń tómendeýi baıqalǵanyn jazdyq. Qandaı taýarlar men qyzmetter arzandaǵanyn myna jerden oqı alasyz.
