Túrkııada ınflıatsııa boljamnan asyp tústi
ASTANA. KAZINFORM – Sáýir aıyndaǵy derekter Túrkııada baǵanyń ósý qarqyny jedeldegenin kórsetti. Bul týraly Kazinform agenttiginiń Ankaradaǵy menshikti tilshisi habarlady.
Túrkııanyń statıstıka ınstıtýtynyń (TÜİK) málimetine sáıkes, bıylǵy sáýirde tutyný baǵalarynyń ósimi aılyq jáne jyldyq kórsetkishter boıynsha sarapshylardyń boljamynan joǵary boldy.
Jarııalanǵan statıstıkaǵa sáıkes, sáýirdegi aılyq ınflıatsııa 4,18% bolyp, boljanǵan 3,28%-dan asyp tústi. Jyldyq ınflıatsııa deńgeıi 32,37%-ǵa jetip, kútilgen 31,25%-dan joǵary boldy.
Bul derekter el ekonomıkasynda ınflıatsııalyq qysymnyń saqtalyp otyrǵanyn jáne naqty baǵa dınamıkasynyń naryq boljamdarymen sáıkes kelmeıtinin kórsetedi.
Sonymen qatar, Túrkııanyń qarjy jáne qazyna mınıstri Mehmet Shımshek ınflıatsııanyń bul ósýin ýaqytsha qubylys dep atap, ony dezınflıatsııa úderisiniń jalǵasýy retinde baǵalady.
Buǵan deıin Túrkııada sońǵy bes jylda 30 mıllıon dollardan asatyn baılyǵy bar adamdar sany eki esege jýyq artqany, bul kórsetkishtiń álemdik ortasha deńgeıden aıtarlyqtaı joǵary ekeni habarlanǵan bolatyn.
Aıta ketelik Túrkııanyń memlekettik qaryzy 14 trln lıradan asty.
