Túrkııada ınflıatsııa 49 aı ishinde eń tómengi deńgeıge tústi

ASTANA. KAZINFORM — 2025 jyldyń jeltoqsan aıynyń qorytyndysy boıynsha, Túrkııada jyldyq ınflıatsııa 2021 jyldyń sońynan bergi eń tómengi deńgeıge deıin tómendedi, dep habarlaıdy Kazinform menshikti tilshisi.

Túrkııa statıstıka ınstıtýtynyń (TÜİK) málimetinshe, 2025 jyldyń jeltoqsanynda tutynýshylyq baǵalardyń jyldyq ınflıatsııasy 30,89%-dy qurady, bul sońǵy 49 aıdaǵy eń tómengi kórsetkish. Mundaı tómen kórsetkish sońǵy ret 2021 jyldyń qarashasynda tirkelgen, ol kezde ınflıatsııa 21,31%-dy qurady.

Tutynýshylyq baǵa ındeksi aılyq máninde 0,89%-ǵa, al el ishindegń óndirýshilerdiń baǵa ındeksi 0,75%-ǵa ósti. Óndirýshiler baǵalarynyń jyldyq ósimi 27,67%-dy qurady.

12 aılyq ortasha mánderdi esepteý kezinde tutynýshylyq ınflıatsııa 34,88%-ǵa, al óndirýshiler ınflıatsııasy — 25,36%-ǵa jetti. Bul kórsetkish jaldaý aqysyn ındeksteýdiń eń joǵary deńgeıin anyqtaý úshin qoldanylady. Jeltoqsan aıyndaǵy derekter jarııalanǵannan keıin turǵyn úı jáne kommertsııalyq jyljymaıtyn múlikti jaldaý aqysy 2026 jyldyń qańtarynda 34,88%-ǵa ósýi múmkin ekeni belgili boldy.

Eske sala ketsek, Túrkııa statıstıka ınstıtýty (TÜİK) qarasha aıyndaǵy ınflıatsııanyń resmı derekterin jarııalady, onda baǵa ósiminiń odan ári baıaýlaǵany kórsetilgen.