Túrkııada IGIL-men baılanysy bar 26 kúdikti ustaldy

ANKARA. KAZINFORM — Túrkııanyń ishki ister mınıstri Alı Erlıkaıa el aýmaǵynda kezekti lańkestikke qarsy operatsııa júrgizilgenin habarlady. Operatsııa eldiń 14 provıntsııasyn qamtydy, dep jazady AZƏRTAC.

Mınıstrdiń málimetinshe, quqyq qorǵaý organdary IGIL terrorıstik uıymymen baılanysy bar degen kúdikpen 26 adamdy ustady.

Operatsııa barysynda Ankara, Kahramanmarash, Mersın, Adana, Stambýl jáne Kaıserı sııaqty iri qalalar qamtylǵan.

Kúdiktilerge áleýmettik jelilerde tyıym salynǵan uıymdardyń ıdeologııasyn nasıhattaý jáne lańkestik áreketterdi qarjylandyrý aıyby taǵylyp otyr.

Mınıstr polıtsııa men jandarmerııa qyzmetkerlerin ulttyq qaýipsizdik pen quqyqtyq tártipti qamtamasyz etýge qosqan úlesteri úshin quttyqtady.

Aıta keteıik, Túrkııada alǵash ret ushaq toqtamaı oryndarynan turǵan jolaýshylarǵa aıyppul salyndy.