Túrkııada hımııa páninen ótken olımpıadada Qazaqstan oqýshylary tórt medalǵa ıe boldy
ASTANA. 18 shilde. QazAqparat - Túrkııanyń Ankara qalasynda hımııa páninen ótken halyqaralyq olımpıadada Qazaqstan komandasy 1 altyn, 1 kúmis, 2 qola júldege ıe boldy, dep habarlaıdy «Daryn» respýblıkalyq ǵylymı-tájirıbelik ortalyǵy.
Hımııa páninen halyqaralyq olımpada 2011 jyldyń 9 shildesi men 18 shildesi aralyǵynda ótken. QR komandasynyń quramynda Taraz qalasyndaǵy qazaq-túrik lıtseıdiń 11-synyp oqýshysy Abylaı Shahızadaev, Astana qalasyndaǵy qazaq-túrik lıtseıiniń 11-synyp oqýshysy Mıras Bekbergenov, Almaty qalasyndaǵy №134 mektep-lıtseıdiń 10-synyp oqýshysy Vladıslav Qamysbaev, Petropavl qalasyndaǵy «LORD» daryndy balalarǵa arnalǵan lıtseıdiń 10-synyp oqýshysy Vladımır Doljnıkov bar.
