Túrkııada HHІІІ Sýrdlımpıada oıyndary bastalady
Oıyndarǵa álemniń 97 elinen kelgen 3 myńnan astam sportshy qatysady, bul estý qabiletinde aqaýy bar adamdardyń sporttyq jarysy tarıhyndaǵy alǵashqy rekordtyq kórsetkish. Jarys Samsýn provıntsııasynyń 8 aýdanyndaǵy 37 stadıonda sporttyń 20 túri boıynsha ótedi. Olar: oq atý, atletıka, badmınton, basketbol, boýlıng, taý velojarysy, fýtbol, golf, kúres, gandbol, dzıýdo, karate, ústel tennısi,jaǵajaı voleıboly, taekvondo, tennıs, voleıbol, tas jol velojarysy jáne júzý.
Túrkııa alǵash ret Sýrdlımpıada oıyndaryna 1989 jyly qatysty. Búgingi kúnge deıin estý qabiletinde aqaýy bar túrik sportshylary Sýrdlımpıadadan 84 medal aldy, olardyń 17-si altyn. Jarystyń uıymdastyrylýyna 1500 erikti tartylǵan, olardyń 154-i túrkııalyq azamattar, 96-sy sheteldikter, sondaı-aq, 250-i múmkindigi shekteýli jandar. Sonymen qatar, sport alańdarynda 500 sýrdoaýdarmashylar jumys isteıtin bolady.
Qazirgi Túrkııa tarıhyndaǵy eń iri sporttyq shara 30 shilde kúni aıaqtalady.