Túrkııada Gúlenniń jıenderi ustaldy
ASTANA. QazAqparat - Jeksenbi kúni Túrkııa bıligi ıslam ýaǵyzshysy, túrik oppozıtsıoneri Fethýllah Gúlenniń eki jıenin ustady. Jergilikti bılik Gúlendi áskerı tóńkeris uıymdastyrdy dep aıyptaýda.
Hürriyet gazetiniń habarlaýynsha, Hýseın Gúlen men Býshra Gúlen Izmırde FETO qyzmetine qatysy bar jáne barlyq derekti shıfrlaıtyn Bylock baǵdarlamasyn paıdalandy degen kúdikpen ustaldy.
Túrik barlaýshylarynyń aıtýynsha, 16 shildege qaraǵan túni áskerı tóńkeris kezinde búlikshilerdiń kópshiligi dál osy baǵdarlamany paıdalanǵan, dep jazdy RBK-Ýkraına.
Buǵan deıin Túrkııa bıligi Gúlenniń jıeni Emıne men úsh jıeni telejýrnalıst jáne advokat Kemal Gúlen, Abdýllah Korýdjýk jáne Mýhammet Saıt Gúlendi ustady. Eske sala keteıik, túrik polıtsııasy oppozıtsııalyq túrik ýaǵyzshysy F.Gúlenniń inisin de tutqyndady.
