Túrkııada Gúlenniń inisi ustaldy
ASTANA. QazAqparat - AQSh-ta turatyn Fethýllah Gúlenniń inisin Túrkııa polıtsııasy ustady. Jergilikti bılik Gúlendi áskerı tóńkeris uıymdastyrdy dep aıyptaýda.
Kýtbettın Gúlen qamaýǵa alynǵan dinı lıderdiń alǵashqy jaqyndarynyń biri boldy, dep habarlaıdy Bı-Bı-Sı agenttigi. Antıterrorlyq polıtsııa bólimshesi ony týystarynyń biriniń bergen málimeti boıynsha taýyp tutqyndaǵan.
Buǵan deıin Fethýllah Gúlen prezıdent Rejep Taıyp Erdoǵandy ornynan ketirýge qatysy joqtyǵyn aıtyp aqtalǵan bolatyn.
Eske sala ketsek, ótken sársenbi Túrkııanyń Qaýipsizdik keńesi eldegi tótenshe jaǵdaı rejimin uzartýǵa shaqyrǵan bolatyn.
Tótenshe jaǵdaı rejimi 15 shildede iske aspaǵan áskerı tóńkeristen keıin 20 shildede jarııa etildi. Ol elde úsh aıǵa sozylady.
