Túrkııada fýtboldan Qazaqstan men Ózbekstan chempıondary joldastyq kezdesýi ótip jatyr
ALMATY. 8 aqpan. QazAqparat /Erlik Erjanuly/ - Túrkııada oqý-jattyǵý jıynyn ótkizip jatqan Qaraǵandynyń "Shahteri" men Tashkenttiń "Býnedkor" komandalary joldastyq kezdesý ótkizip jatyr.
Keshe ótken jylǵy Qazaqstan men Ózbekstan chempıonattar jeńimpazdarynyń 2-quramy kezdesken bolatyn. Onda esep 1:1 esebimen aıaqtaldy. Bul kezdesýde 50-mınýtta tashkenttik fýtbolshylar sapynan Paýl Obıefýle óz komandasyn alǵa shyǵarǵan bolatyn. Birneshe mınýttan soń olar óz qaqpasy mańynda tártip buzyp, tóreshi 11 metrlik aıyp dobyn belgiledi. Bul múmkindikti qaraǵandylyqtardyń jartylaı qorǵaýshysy Ashat Borantaev múlt jibergen joq.
Endi eki eldiń bas komandalary ekinshi kezdesýge negizgi quramdaryn shyǵarýda. Mırjalol Kasymov jattyqtyratyn tashkenttikter 2008 jyly Azııa chempıondar lıgasynyń jartylaı fınalısi boldy. Ózbekstan chempıonatynda 2008, 2009, 2010, 2011 jyldary chempıon, 2007 jyly kúmis júldeger, al 2008, 2010 jyldary el Kýbogynyń ıegeri jáne 2007, 2009 jyldary fınalıst atandy. Vıktor Kýmykov tizginin ustaǵan "Shahter" byltyr el chempıonatynda tuńǵysh ret chempıon ataǵyna qol jetkizgen edi. Olar 1995, 2007, 2009 jyly qola júldeger atanyp, 2009, 2010 jyldary Qazaqstan kýbogynyń fınalısi bolǵan edi.
