Túrkııada «Feısbýk» jáne «Tvıtter» áleýmettik jelilerin paıdalanýǵa tyıym salyndy
ASTANA. QazAqparat - Ankara bıligi Túrkııanyń astanasynda oryn alǵan teraktiden soń «Feısbýk» jáne «Tvıtter» áleýmettik jelilerin buǵattap tastady, dep habarlaıdy túrkııalyq BGN News portaly.
Sondaı-aq elde qaıǵyly oqıǵa jaıly BAQ-tarda materıaldardy jarııalaýǵa shekteý engizildi.
Úkimet «Feısbýk» pen «Tvıtter» jelilerine qaýipsizdik maqsatynda tyıym salyp otyr.
Eske salaıyq, Ankarada 10 qazanda oryn alǵan eki qýatty jarylys saldarynan 97 adam kóz jumdy, 246 adam áli aýrýhanalarda jatyr.
«Sheneýnikter elde dúrbeleń týdyrmas úshin azamattardyń aqparattarǵa qoljetimdiligin shekteýde. Áleýmettik jeliler paıdalanýshylary «Feısbýk» pen «Tvıtter»-ge ár kirgen saıyn olar neǵurlym baıaýlap jumys isteıtin bolady. Bul tótenshe jaǵdaı jaǵdaılarynda qoldanylatyn áreket», - dedi kompıýterlik tehnologııalar mamany Fıýrsýp Sap Nebıl.
Túrkııa premer-mınıstri Ahmet Davýtoglýdiń aıtýynsha, teraktini jasaǵan basty kúdiktiler - Islam memleketiniń ókilderi.
