Túrkııada «Fenerbahche» klýbynyń oıynshylary mingen avtobýsqa oq atyldy
ASTANA. QazAqparat - Túrkııanyń «Fenerbahche» fýtbol klýbynyń oıynshylary otyrǵan avtobýsqa oq atyldy, dep habarlady Bı-Bı-Sı.
Jaralanǵan avtobýs júrgizýshisi aýrýhanaǵa jetkizildi.
Oqıǵa bolar aldynda «Fenerbahche» Rızada «Rızespor» klýbyn 5:1 esebimen oısyrata jeńgen.
Bastapqyda Trabzon qalasynyń bıligi avtobýsqa tas laqtyrylǵanyn habarlaǵan, alaıda klýbtyń ókili kólikke oq atylǵanyn málimdedi. Keıin qala basshysy da qarýly shabýyl ekenin rastady. Túrkııa Úkimetiniń basshysy Ahmet Davýtoǵly qylmys jasaǵandardy aıyptap, muqııat tergeý júrgiziletinin aıtty.
Fýtbol komandasy músheleriniń eshqaısysy zardap shekken joq.
Qazirgi kezde sportshylar Túrkııa astanasyna keldi. Áýejaıda fýtbolshylardy jankúıerleri kútip aldy.
