Túrkııada ejelgi mavzoleıdi jańa orynǵa aýystyrady

ASTANA. QazAqparat -  Túrkııanyń ońtústik-shyǵysyndaǵy Batman provıntsııasynda tarıhı, mádenı eskertkish - Zeınel Bı mavzoleıin jańa orynǵa aýystyrýǵa kiristi, dep habarlady «Anadolý» agenttigi.

Mavzoleı 555 jyl buryn salynǵan. Túrkııanyń tarıhı murasy sanalady. Aýystyrý sheshimi Ilysý sý qoımasyn salý jobasyn iske asyrýǵa baılanysty qabyldandy, sebebi mavzoleı sý astynda qalýy múmkin.

Aýystyrý úshin segiz ózdiginen qozǵalatyn modýldi tarnsporter SPMT treılerleri paıdalanylady.

Túrkııa Mádenıet jáne týrızm mınıstrliginiń ókili ıAlchın Kýrt mavzoleı tutastyǵyn saqtaı otyryp, Hansakeıf mádenıet saıabaǵy aýdanyna jyljytylatynyn habarlady.

«Zeınel Beı mavzoleıi - Túrkııa marjandarynyń biri», - dep atap ótti ıAlchın Kýrt.

Onyń aıtýynsha, Túrkııada mundaı ǵımaratty aýystyrý alǵash ret qolǵa alynýda.