Túrkııada ejelgi grek tilindegi eń uzaq poema tabyldy
ASTANA. QazAqparat - Túriktiń Mılıas qalasynda tarıhshylar ejelgi grek tilinde tasqa oıyp jazylǵan óleń tapty. Jazba 124 óleń joldarynan turady. Bul bizdiń kúnge deıin jetken eń uzaq ejelgi poema deýge bolady, dep jazady sheteldik BAQ.
Mátindi oqý múmkin emes. Ústinen kóp basyp júrgendikten áripter óshirilip qalǵan. Tek poemada Pıfeı esimdi adamnyń ómiri men erligi jyrlanatynyn túsinýge bolady.
Galıkarnasstaǵy áıgili Mavzoleı sáýletshisiniń esimi osylaı atalǵany belgili. Negizi áńgime sol adamǵa ǵana qatysty bolýy múmkin, dep habarlanady Tsıýrıh ýnıversıtetiniń saıtynan.
