Túrkııada Estaı Berkimbaıulyn eske alý kúnderi ótti
Estaı Berkimbaıulynyń 150 jyldyq mereıtoıyna oraılastyrylǵan sharany TÚRKSOI Halyqaralyq túrki mádenıeti uıymy, Pavlodar oblysynyń ákimdigi jáne Pavlodar memlekettik pedogogıkalyq ýnıversıteti uıymdastyrdy.
Alǵashqy konferentsııa Ystanbul qalasyndaǵy Aıdyn ýnıversıtetinde ótti. Oǵan atalǵan ýnıversıtettiń rektory ıAdygar Izmırlı, Ádebıet jáne óner fakýltetiniń dekany Núkhet Chykrykchy, belgili túrkitanýshy ǵalym Shuǵaıyp Karakash, TÚRKSOI Bas hatshysynyń orynbasary Fyrat Pýrtash jáne qazaqstandyq delegatsııa ókilderi - Pavlodar oblystyq maslıhat hatshysy Baqyt Bekseıitova, Pavlodar memlekettik pedogogıkalyq ýnıversıtetiniń rektory Altynbek Nuhuly, osy ýnıversıtettiń professory Muhıt Omarov, Estaı Berkimbaıulynyń týysy Ábilhaq Túgelbaev sóz sóılep, aqynnyń shyǵarmashylyǵy, mýzykalyq murasy, qazaq mádenıetine qosqan úlesi týraly ǵylymı baıandamalar jasady. Konferentsııaǵa ýnıversıtet professorlary men stýdentteri, Ystanbuldaǵy qazaq dıasporasynyń ókilderi qatysty. Shara sońynda qazaqstandyq ónerpazdar Estaı ánderin oryndap, shaǵyn kontsert berdi.
Ekinshi jıyn Ankara qalasyndaǵy TÚRKSOI Halyqaralyq túrki mádenıeti uıymynyń shtab-páterinde uıymdastyryldy. TÚRKSOI Bas hatshysy Dúısen Qaseıinov atap ótkendeı, bul shara Elbasy Nursultan Nazarbaevtyń «Uly dalanyń jeti qyry» baǵdarlamalyq maqalasynda jazylǵan túrkitildes halyqtardyń mádenı yqpaldastyq ıdeıasyna saı.
«Búginde búkil álemdik arenaǵa tanyla bastaǵan Estaı murasyn ulyqtaýdy túrkitildes týys halyqtar birigip atqarýǵa tıispiz», - dedi ol.
Pavlodar oblystyq maslıhat hatshysy Baqyt Bekseıitova oblys ákimi atynan quttyqtaýyn jetkizip, sharany uıymdastyrǵan TÚRKSOI uıymyna alǵysyn bildirdi. Baıandamashylar Altynbek Nuhuly men Muhıt Omarov Estaı Berkimbaıulynyń murasy týraly jan-jaqty áńgimeledi. Jıynǵa arnaıy shaqyrtylǵan belgili opera ánshisi, QR memlekettik syılyǵynyń ıegeri Shahmardan Ábilov, Estaı atyndaǵy mýzykalyq mekteptiń dırektory, ánshi Medǵat Manapov, «Qazaqkontsert» birlestiginiń ánshisi Asqar Muqııat Estaı shyǵarmalaryn oryndap, túrik kórermeniniń qurmetine bólendi.
Qazaq halqynyń kórnekti kompozıtory, ánshi, aqyn Estaı Berkimbaıulynyń 150 jyldyq mereıtoıyna oraı, TÚRKSOI shtab-páterinde ótkizilgen sharaǵa Túrkııadaǵy Qazaqstan elshiliginiń dıplomattary, túrik zııaly qaýymy men qazaq dıasporasy ókilderi qatysty.
