Túrkııada esirtkige qarsy operatsııalar júrgizilip, júzdegen adam ustaldy

ASTANA. KAZINFORM – Ystanbul prokýratýrasy esirtki satýshylarǵa qarsy aýqymdy operatsııany úılestirdi, dep habarlaıdy Kazinform menshikti tilshisi.

Eldi Іshki ister mınıstri Alı Ierlıkaıa Túrkııanyń 14 provıntsııasynda bir ýaqytta júrgizilgen esirtkige qarsy operatsııalar nátıjesinde 305 kúdikti ustalǵanyn habarlady.

Onyń aıtýynsha, operatsııany Ystanbul qalalyq prokýratýrasy, Ystanbul polıtsııasynyń esirtkige qarsy kúres basqarmasy kıberqylmyspen kúres bólimsheleriniń qoldaýymen basqarǵan.

Tergeý barysynda kúdiktilerdiń sońǵy bes aıda messendjerler men áleýmettik jelilerde jabyq, shıfrlanǵan toptar uıymdastyryp, olar arqyly esirtkini kýrerler arqyly da, tikeleı de satqany anyqtaldy. 

Quqyq qorǵaý organdary jasyryn múshelik júıesi bar jabyq qaýymdastyqtardaǵy hat-habarlarǵa qol jetkizip, zańsyz áreketti úılestirgen ákimshiler men moderatorlardy anyqtaı aldy. Keıinnen Ystanbul, Ankara, Izmır, Býrsa, Antalıa, Konıa, Sakarıa, Tekırdag, Hataı, Mardın, Adyıaman, Gıresýn, Kastamoný jáne Mýshtasınhrondy reıdter júrgizildi.

Prokýratýra barlyǵy 346 adamdy ustaý josparlanǵanyn, operatsııalar jalǵasyp jatqanyn jáne anyqtalǵan onlaın toptardy buǵattaý jáne jabý protsesi bastalǵanyn habarlady.

Buǵan deıin Túrkııa qarasorany ónerkásiptik jáne medıtsınalyq maqsatta ósirýge ruqsat bergenin jazdyq.