Túrkııada erler sulýlyq salondaryna aqsha jumsaýdan áıelderdi basyp ozdy

ASTANA. KAZINFORM - Sulýlyq salondarynyń áıelderge arnalǵan keı qyzmet túri túrik erleri arasynda tanymal bolyp keledi.

Izmır shashtarazdar qaýymdastyǵynyń basshysy Shıýkrıý Bılgın Túrkııada erlerdiń sulýlyq salon qyzmetterin belsendi qoldana bastaǵanyn aıtty.

Túrkııada er adamdar arasynda manıkıýr, pedıkıýr, qasqa korrektsııa jasatý, tipti kirpikke kútim jasaý tárizdi qyzmet túrleri tanymal. Onyń aıtýynsha, erler barbershop pen sulýlyq salondaryna jıi baryp, sonyń ishinde buryn tek áıelder ǵana barady dep eseptelgen qyzmetterdi jıi qoldanady.

Bılgın keı jaǵdaıda er adamdar bul protsedýralarǵa áıelderge qaraǵanda kóbirek aqsha jumsaıtynyn atap ótti. Tipti kirpik kútimin ózderi jasaı bastaǵan er adamdar paıda bolǵanyn aıtady.

- Qazir erler sulýlyq salondaryna áıelderge qaraǵanda jıi barady. Sońǵy jyldary áıelderge alýan túrli qyzmetter usynylyp keledi, biraq olar ádetterin ózgertpedi, burynǵy qarqynmen barady. Al Túrkııadaǵy erler ózderiniń syrtqy kelbetterine belsendi túrde kútim jasaı bastady, - deıdi shashtarazdar qaýymdastyǵynyń basshysy.

Onyń aıtýynsha, Túrkııada qyzmet sanynyń artýyna baılanysty qarapaıym shashtarazdarǵa burynǵydaı suranys joq.

Buǵan deıin Túrkııanyń bes eldi mekeninde bir ǵana adamnan turatynyn jazǵanbyz.