Túrkııada Erdoǵannyń Marmarıstegi qonaq úıine shabýyl jasaǵan 8 áskerı ustaldy
ASTANA. QazAqparat - Túrkııadaǵy memlekettik tóńkeris jasaý áreketinde Túrkııa prezıdenti Taıyp Erdoǵan Marmarıste toqtaǵan qonaq úıge shabýyl jasaǵan segiz áskerı qyzmetker eldiń ońtústik-batysynda ustaldy, dep habarlaıdy RIA Novostı.
Marmarıstegi Erdoǵan toqtaǵan qonaq úıge shabýyl jasaýǵa qatysy bar dep kúdiktelgen jeti áskerı qyzmetker Túrkııanyń ońtústik-batysyndaǵy Mýgla provıntsııasynda ustaldy.
Marmarıs aýdanynda júgeri alqabynan kúdikti adamdardy baıqaǵan jergilikti turǵyndardyń dabylymen taǵy da birqatar shabýylshylar qolǵa tústi.
16 shildege qaraǵan túni búlikshiler toby Túrkııada memlekettik tóńkeris jasaýǵa árekettendi. Sońǵy derekterge sáıkes, qarsylyqtar nátıjesinde Ystambul men Ankarada búlikshilerdi qospaǵanda, 246 túrik azamaty kóz jumdy, 2 myńnan astam adam jaraqat aldy.
