Túrkııada eki kúnde 5 reseılik týrıst qaıtys boldy
ASTANA. QazAqparat - Ótken demalys kúnderinde Túrkııanyń túrli kýrorttarynda 5 reseılik týrıst qaıtys bolǵan. Bul týraly Rostýrızm-niń baspasóz qyzmeti Reseı Syrtqy ister mınıstrliginiń daǵdarys ortalyǵynyń málimetterine súıene otyryp habarlady, dap jazdy Rıa Novostı.
Marqum bolǵandardyń 4-ýi shomylyp júrip kóz jumǵan, olardyń keıbiriniń densaýlyǵy nashar bolǵan.
Vedomstvo ókilderi týrıstik baǵytty tańdaýda demalatyn aımaqtyń aýa raıy erekshelikterin nazarda ustaý qajettigin jáne ystyq aýa raıynyń densaýlyqqa qala áser etetinen aldyn ala bilip alý qajettigin aıtty.
Osyǵan deıin IHA agenttigi 36 jasar Oksana Astafeevanyń Kemere kýrortynda teńizde shomylyp jurgen kezinde tynysynyń tarylyp qaıtys bolǵandyǵyn habarlaǵan. Marqum bolǵan áıeldiń densaýlyǵy sýda nasharlaı bastaǵan jáne ol qajetti dárini óziniń turyp jatqan bólmesinde qaldyryp ketken.
Milliyet basylymynyń málimetteri boıynsha, senbi kúni Túrkııada taǵy eki reseılik týrıst qaıtys boldy.Olardyń biri 56 jasar Aleksandr Shevchenko Manavgat kýrorty mańynda sýǵa batyp ketken. Er adam aýrýhanaǵa bara jatyp kóz jumǵan. Ekinshi 47 jasar Tatıana Logınova osy kýrorttyń qonaqúıleriniń birinde júrek talmasynan qaıtys boldy.
