Túrkııada eki avtobýs soqtyǵysyp, 30 adam jaraqat aldy

ANKARA. QazAqparat – Dúısenbi kúni Túrkııanyń ońtústik-batysynda týrıstik avtobýstyń jol apatyna ushyraýy saldarynan kem degende 30 adam jaraqat aldy, dep habarlaıdy QazAqparat Demiroren aqparat agenttigine silteme jasap.

Agenttiki málimetinshe, Mýgla – Denızlı kúre jolynda jergilikti ýaqyt boıynsha shamamen saǵat 07:30-da mektep jáne týrıstik avtobýstar soqtyǵysty. Agenttik aqparatynsha, týrıstik avtobýstyń ishinde Reseı jáne Ýkraınanyń 41 azamaty bolǵan.

Sońǵy málimetter boıynsha, jol-kólik apaty saldarynan kólik quraldarynyń biriniń júrgizýshisi qaza tapty. Zardap shekkenderdiń barlyǵy jaqyn mańdaǵy aýrýhanalarǵa jetkizildi.