Túrkııada dúnıege kelgen 4 aılyq náreste aýrýhanadan shyqty
ALMATY. Qazaqparat - Túrkııada merziminen buryn týyp, Otanyna ázer jetken 4 aılyq Polına Vasıleva Pedıatrııa ortalyǵynan shyqty, dep habarlaıdy QazAqparat tilshisi.
Náreste ómiriniń alǵashqy eki aıynda Túrkııadaǵy emhanada bolsa, taǵy eki aıyn Almatydaǵy Pedıatrııa ortalyǵynda ótkizgen.
«Úıge shyǵatynymyzǵa sheksiz qýanyshtymyz. Polına jazyldy. Elge kelgende salmaǵy 1383 gramm bolsa, qazir 2 395 g. Dárigerlerge kóp rahmet!», - dedi anasy Darıa Vasıleva.
Aýrýhanadan shyǵýymen balany eń alǵash Qazaqstannyń Stambýldaǵy konsýly Baýyrjan Abdrahmanov quttyqtaǵan.
Shala týǵan Polına Qazaqstanǵa 10 qyrkúıekte jetkizilgen bolatyn.
«Balanyń salmaǵy az bolýyna baılanysty onyń ókpesi qabynǵan. Qyzǵa mıdyń gıdrotsefalııasy degen dıagnoz qoıyldy. Sonyń kesirinen balanyń mıyna qan quıylǵan. Túrik dárigerleri balanyń mıyna shýnt ornatqan. Almatyda bul shýnt aýystyryldy. Tekserý kezinde kóziniń tor qabyǵy jetilmegeni anyqtaldy. Balanyń kózine oftalmologııalyq jáne neırohırýrgııalyq ota jasaldy. Qazir balanyń jaǵdaıy birqalypty»,- dedi Ortalyqtyń neonatolog dárigeri vrach-neonatolog Aıjan Baıǵutdıeva.
Aıta ketý kerek, osyǵan deıin málim bolǵanyndaı, QR azamatshasy Darıa Vasıleva Túrkııada merziminen buryn bosanyp qalǵan.
Ol salmaǵy 750 gramm bolyp týǵan qyzyn aqyly klınıkanyń qyzmetin tóleıtin qarjysy bolmaǵandyqtan sonda qaldyryp ketken. Nárestesin tastap elge oralǵan ata-ana ushaq reısiniń taıap, aqshasyz qalǵanyn aıtyp aqtalǵan. 25 shilde kúni olardyń qaryzy 15 myń AQSh dollaryna jetken.
Náresteniń ata-anasy balasyn elge qaıtarý úshin elden "jylý" jınaýǵa kiristi.
Kópshiliktiń arqasynda Túrkııadaǵy emhananyń qaryzy jabylyp, balapan elge qaıtaryldy.
