Túrkııada densaýlyq saqtaý salasyndaǵy shyǵyn kóbeıdi

Túrkııada 2022 jyly densaýlyq saqtaý salasy shyǵyny aldyńǵy jylmen salystyrǵanda 71,5 paıyzǵa, 606 mlrd 835 mln túrik lırasyna deıin ósti. Mundaı derekterdi Túrkııa statıstıka ınstıtýty (TÜİK) keltirdi. Kazinform bul týraly Anadoly agenttigine silteme jasap habarlaıdy. 

Jyl qorytyndysy boıynsha densaýlyq saqtaý salasyna jumsalǵan memlekettik shyǵyn 65,4 protsentke – 463 mlrd 516 mln lıra, al jeke sektor shyǵyny – 94,4 paıyzǵa, 143 mlrd 319 mln lıraǵa kóbeıdi.

Densaýlyq saqtaý salasynyń jalpy shyǵynyndaǵy memlekettik sektor úlesi – 76,4 paıyz, jeke sektordyki – 23,6 protsent.

Densaýlyq saqtaýǵa jumsalǵan shyǵynnyń JІÓ-ge qatynasy 2021 jyly 4,9 paıyz, al 2022 jyly 4 protsent boldy.

Sonymen qatar 2022 jyly densaýlyq saqtaý salasynda jan basyna shaqqandaǵy shyǵyn 69,8 paıyzǵa – 7141 lıraǵa deıin ósken. 2021 jyly bul kórsetkish 4 206 lıra bolatyn.