Túrkııada DAISh-pen baılanysy bar degen kúdikpen 104 adam ustaldy
ASTANA. KAZINFORM — Túrkııanyń 30 provıntsııasynda terrorızmge qarsy aýqymdy arnaıy operatsııa júrgizilip, 104 adam ustaldy. Bul týraly Kazinform agenttiginiń Ankaradaǵy menshikti tilshisi habarlady.
Túrkııanyń Іshki ister mınıstrligi eldiń 30 provıntsııasynda halyqaralyq terrorıstik uıym — DAISh-ke (IM, DAISh — Qazaqstanda tyıym salynǵan uıym — red.) qarsy aýqymdy arnaıy operatsııa júrgizilgenin habarlady. Vedomstvo málimetinshe, jandarmerııa qyzmetkerleri 104 kúdiktini ustaǵan.
Prokýratýra ustalǵandarǵa qatysty tergeý jumystaryn bastady.
Іshki ister mınıstrliginiń málimetinshe, kúdiktiler terrorıstik uıymmen baılanysta bolǵan, oǵan ózderine qatysy bar adamdar men «qaıyrymdylyq uıymdary» arqyly qarjylaı qoldaý kórsetken, áleýmettik jelilerde úgit-nasıhat júrgizgen, sondaı-aq terrorıstik uıymnyń qatarynda bolǵan.
Mınıstrlik terrorıstik uıymnyń qyzmeti men qarjylyq qurylymdaryna qarsy mundaı arnaıy operatsııalar aldaǵy ýaqytta da jalǵasatynyn atap ótti.
Eske salaıyq, buǵan deıin Túrkııanyń 52 provıntsııasynda júrgizilgen arnaıy operatsııa kezinde 216 kúdikti ustalǵanyn habarlaǵan edik.
