Túrkııada bıýlletender sanalyp jatyr: Erdoǵan alda keledi

ANKARA. QazAqparat – Túrkııa Joǵary saılaý keńesi prezıdent saılaýynyń ekinshi kezeń qorytyndysy boıynsha alǵashqy resmı málimet jarııalady, dep habarlaıdy QazAqparat Anadoly agenttigine silteme jasap.

«Túrkııa prezıdentin saılaýdaǵy daýystardyń 54,6% sanalǵannan keıin 54,47% daýyspen Erdoǵan alda keledi, Kylychdaroglýda – 45,53%», - delingen habarlamada.

Eske salaıyq, búgin Túrkııada prezıdent saılaýynyń ekinshi kezeńi ótti.

14 mamyrda ótken saılaýdyń birinshi kezeńinde kandıdattardyń eshbiri 50 protsent daýys jınaı almady: Túrkııanyń is basyndaǵy basshysy Rejep Taııp Erdoǵan – 49,52%, oppozıtsııalyq Halyq-respýblıkalyq partııasynyń kóshbasshysy Kemal Kylychdaroglý – 44,88%, «Alıans ATA» blogynan kandıdat Sınan Ogan – 5,17%, «Otan» partııasynyń ókili Mýharrem Indje 0,43%.
Saılaýdyń ekinshi kezeńinde jeńiske jetý úshin úmitkerler 50 paıyzdan astam daýys jınaýy tıis.