Túrkııada buryn-sońdy bolmaǵan aptap: termometr baǵandary 50 gradýstan asty

ASTANA. KAZINFORM — 2025 jylǵy 25 shilde Túrkııada jańa temperatýralyq rekord tirkeldi, dep habarlaıdy AZERTADJ.

Eldiń ońtústik-shyǵysyndaǵy Shyrnak provıntsııasyna qarasty Sılopı aýdanynda aýa temperatýrasy 50 gradýstan asyp, baqylaý tarıhyndaǵy eń joǵary kórsetkish boldy.

Eldiń kóptegen provıntsııanyń bıligi turǵyndardy asa qajet bolmasa, syrtqa shyqpaýǵa shaqyrdy.

Sonymen qatar, Ankarany qosa alǵanda, ondaǵan qalada aýa temperatýrasy 40 gradýstan joǵarylap ketken.

Meteorologtardyń aıtýynsha, aýa temperatýrasy maýsymdyq normadan 7–12 gradýsqa joǵary. El aýmaǵynda salqyndaý tek 31 shildeden keıin kútiledi.

Buǵan deıin habarlanǵandaı, Grekııany qamtyǵan ystyq tolqyny áli de basylar emes. Eldiń kóptegen óńirinde aýa temperatýrasy +40℃ deńgeıinde saqtalyp tur. Tipti apta basynda Afıny mýnıtsıpalıtetinde jylý beıneleý qurylǵysymen jabdyqtalǵan dron jol ústinde +68℃ temperatýrany tirkegen.