Túrkııada búgin túnde 5 baldyq jer silkinisi boldy

ASTANA. QazAqparat – Túrkııanyń Kahramanmarash provıntsııasynda magnıtýdasy 5,0 baldyq zilzala tirkeldi. Bul QazAqparat Eýropalyq-Jerorta teńizi seısmologııa ortalyǵyna silteme jasap habarlaıdy.

Aqparat boıynsha, zilzala oshaǵy 4 shaqyrym tereńdikte bolǵan. Zardap shekkender men qırandylar týraly aqparat joq.

Eske sala ketsek, 6 aqpanda Túrkııada magnıtýdasy 7,7 baldyq joıqyn jer silkinisi boldy. Epıtsentri Kahramanmarash provıntsııasyndaǵy Pazardjık aýdanynda bolǵan zilzala oshaǵy 7 shaqyrym tereńdikte bolǵan. Jer silkiný saldarynan Hataı, Gazıantep, Kılıs, Osmanıe, Malatıa, Adyıaman, Shanlyýrfa, Dııarbekır, Adana jáne Kahramanmarash provıntsııalarynda kóptegen ǵımarattar qırady.