Túrkııada búgin qurylysyna 5 mlrd. dollar jaratylǵan Bosfor týnneli ashylady
ASTANA. 29 qazan. QazAqparat -Búgin, 29 qazanda Túrkııada resmı túrde eldegi iri kólik jobalarynyń biri - Bosfor buǵazynyń «Marmaraı» temir jol týnneli paıdalanýǵa beriledi.
Onyń saltanatty ashylý rásimine Túrkııanyń prezıdenti Abdýlla Gıýl men premer-mınıstri Taııp Erdoǵan qatysady. Túrkııa Respýblıkasynyń qurylǵanyna 90 jyl tolýyna oraılastyrylǵan sharaǵa qatysýǵa Ystambulǵa Japonııa úkimetiniń basshysy Sındzo Abe, Rýmynııanyń premer-mınıstri Vıktor Ponta, Ázirbaıjan, Aýǵanstan, Bolgarııa, Grýzııa, Ispanııa, Moldavııa úkimetteriniń músheleri keldi.
Týnneldiń qurylysymen túrik-japon birlestigi aınlysqan. Aýqymdy qurylystyń jalpy quny 5 mıllıard dollardy qurady.
«Marmaraı» temir jol týnneliniń uzyndyǵy 13,6 shaqyrymǵa sozylyp jatyr. Ol jerden 56 metr tereńdikte ornalasqan, dep habarlady ITAR-TASS. Jańa joldy kún saıyn 1,2 mıllıon adam paıdalanady dep boljanýda.
