Túrkııada bir táýlikte 47 orman órti boldy

ASTANA. KAZINFORM – Sońǵy táýlikte Túrkııa aımaǵynda 47 orman órti bolyp, onyń 30-y aýyzdyqtaldy, dep habarlaıdy ÁZERTADJ aqparat agenttigi.

Túrkııanyń Aýyl jáne orman sharýashylyǵy mınıstri Ibragım ıÝmakly 17 órttiń áli de sóndirilip jatqanyn atap ótti.

«Biz tek iri órt týraly aıtyp otyrmyz. Keı aýdandarda órtti sóndirý qıynǵa soǵady, bul qol jetpeıtin jerler. Órtti sóndirý úshin ushaqtar, tikushaqtar jáne júzdegen basqa tehnıka jumyldyrylýd», - dedi ıÝmakly.

Sondaı-aq, mınıstr jekelegen provıntsııalarda órtti sóndirý táýlik boıy jalǵasyp jatqanyn, al keıbir eldi mekenderdiń turǵyndary evakýatsııalanǵanyn atap ótti.

Ol turǵyndardy ásirese aldaǵy úsh kúnde meteorologtardyń ystyq jáne qurǵaq kún raıy bolatynyn boljaýyna baılanysty asa qyraǵy bolýǵa shaqyrdy.

Buǵan deıin Túrkııanyń Ulttyq qorǵanys mınıstrligi orman órtimen kúreske qoldaý kórsetý úshin tórt tikushaq bóletinin habarlaǵan.