Túrkııada bortyna bir tonna altyn tıelgen túrkimen ushaǵyn ustady
ASTANA. 25 aqpan. QazAqparat - Ystambul qalasynyń halyqaralyq áýejaıynda 22 aqpan kúni túrkimendik «Túrkimenhovaellary» («Túrikmen áýe jelileri») áýe kompanııasynyń ushaǵyn bir tonnadan astam quımalardaǵy altyndy Ashǵabadqa shyǵarý áreketin jasamaqshy bolǵan kezde ustady, dep jazady Rosbalt.
Túrkııalyq Askam gazetine silteme jasaǵan «Gýndakordyń» habarlaýynsha, júktiń ıesi Túrkimenstanda qurylys jobalarymen burynnan aınalysatyn túriktiń Polimeks qurylys kompanııasy bolyp tabylady. Qujattar boıynsha ushaqtyń júgi santehnıka boldy. Túrik BAQ-tary kedenshiler anyqtaǵan tirkelmegen altynnyń jalpy salmaǵy 1,3 tonnany quraǵanyn naqtylady.
Kompanııa bul oqıǵadan keıin júktiń zańdy túrde tasymaldanǵany jaıly baspasóz habarlamasyn taratty. Ol sondaı-aq ushaqtaǵy altynnyń salmaǵy BAQ-ta jarııalanǵan málimetterden az bolǵanyn aıtady (Polimeks-tiń nusqasy boıynsha - tek 190 keli). Kompanııanyń sendirýinshe, ol altyndy qurylys materıaldaryn «halyqaralyq embargo saldarynan bank aýdarylymyn jasaý múmkin emes elderde qoldanyp» satyp almaqshy boldy.
