Túrkııada bomba jarylysynan 4 adam qaza taýyp, 19-y jaralandy
ASTANA. QazAqparat - Túrkııanyń ońtústik-shyǵysyndaǵy Sılopı qalasynda jarylys boldy. Saldarynan 4 adam ajal qushyp, taǵy 19-y túrli dárejede dene jaraqatyn alǵan, dep habarlady 24.kz.
Jaralanǵandardyń 5-eýi - tártip saqshylary. Qoldan jasalǵan jarylǵysh zat polıtseılerdiń kóligi ótip bara jatqanda iske qosylypty. Aldyn ala málimet boıynsha, ol káriz lıýginiń ishine qoıylǵan. Ázirge eshbir top shabýyldy óz moınyna alǵan joq. Degenmen jergilikti bılik bul «Kúrdistan jumysshy partııasynyń» isi bolýy múmkin dep topshylap otyr.
