Túrkııada birneshe jarylys boldy, kem degende 40 adam kóz jumdy
ASTANA. 12 mamyr. QazAqparat - Sırııamen shekarada ornalasqan Túrkııanyń Reıhanly qalasynda birneshe jarylys bolyp, saldarynan kem degende 40 adam kóz jumdy, 100-ge jýyǵy jaraqattandy.
Bul týraly RBK túrkııalyq BAQ-tarǵa silteme jasap habarlady. Alǵashynda qaza bolǵan 18 jáne zardap shekken 20 adam týraly aıtyldy.
Eldiń ishki ister mınıstri Mýammer Gýler bul málimetterdi jartylaı rastady. Sheneýnik sondaı-aq, qalada eki jarylys bolǵanyn jáne jarylǵysh zattardyń ekeýi de turaqqa qoıylǵan avtokólikte bolǵanyn qýattady. Olardyń biri jergilikti ákimshilik ǵımaratynyń aldynda iske qosyldy.
Ázirge jarylystar úshin jaýapkershilikti lańkestik toptardyń eshbiri moıyndaryna almady.
Jarylystar Túrkııa men Sırııa arasyndaǵy shıelenise túsken qarym-qatynastardyń saldarynan oryn aldy. Oppozıtsııa men Damask arasyndaǵy qarýlanǵan qaqtyǵys ony tek órshite tústi. Qazirgi ýaqytta Túrkııaǵa 300 myńnan astam sırııalyq bosqyn qonys aýdardy. Olardyń deni shekaralas aýmaqtarda ornalasqan lagerlerde turady.
