Túrkııada bir mezette birneshe óńirden órt shyqty: Bılik qasaqana órteý nusqasyn joqqa shyǵarmaıdy

ANKARA. QazAqparat - Sońǵy birneshe kúnde Túrkııanyń birneshe provıntsııasynda ormandar otqa orandy. Búgingi tańda jalpy órt aýmaǵy 1500 gektardan asty, dep habarlaıdy QazAqparattyń menshikti tilshisi.

Túrkııanyń soltústik-batysyndaǵy Chanakkale provıntsııasyndaǵy orman órti 15 saǵattan beri jalǵasyp jatyr.

Eshkim zardap shekpes úshin keı aımaqtardan turǵyndar qaýipsiz jerge kóshirildi. Osy kezeńde 1250-den astam adam evakýatsııalanǵan.

9 aýyldan adamdar ketip úlgerdi.

Bılik órttiń áli baqylaýǵa alynbaǵanyn jáne eń nashar stsenarııge daıyndyq júrip jatqanyn aıtady.

Saqtyq sharasy retinde Chanakkale-Chan tasjolynda kólik qozǵalysyna tyıym salyndy, al Dardanell buǵazy eki jaǵynan teńiz qozǵalysyna jabyldy.

Túrkııa úkimeti janyndaǵy tótenshe jaǵdaılardyń aldyn alý jáne zardaptaryn joıý basqarmasynyń (AFAD) habarlaýynsha, apat aımaǵyna júzdegen adam men arnaıy tehnıka jumyldyrylǵan.

Chanakkale provıntsııasynda 68 tehnıka órtpen kúresip jatyr. Oǵan 10 ushaq pen 26 tikushaq atsalysyp júr. Alaıda qoıý tútinniń kesirinen aýmaq jaqsy kórinbeıdi, bul órtke qarsy avıatsııanyń jumysyn qıyndatty.

Túrkııanyń aýyl sharýashylyǵy jáne orman sharýashylyǵy mınıstri Ibragım ıÝmaklıdiń aıtýynsha, sońǵy birneshe kúnde eldiń ártúrli aımaqtarynda 29 órt tirkelgen.

Jalpy onyń 26-sy sóndirilip, baqylaýǵa alynǵan.

«Qazirgi ýaqytta mamandar úsh aımaqta kúresti jalǵastyryp jatyr. Onyń biri - Chanakkaleniń ortalyq bóligi. Ekinshi iri órt - Býrsa, Enıshehır jáne Karadjabeıde. Qazirgi ýaqytta eń joıqyn órt Chanakkalede bolyp tur. Negizgi kúsh-quraldar sonda jumyldyryldy», - dep atap ótti mınıstr.

Buǵan deıin Mármár aralyndaǵy Gúndoǵdý aýdanyndaǵy butaly aımaqta belgisiz sebepten órt shyqqan.

Balykesır aımaqtyq orman sharýashylyǵy basqarmasy, jergilikti órt sóndirý bólimderi jáne Mármár araldary mýnıtsıpalıteti brıgadalarynyń jedel áreketiniń arqasynda órt eki saǵatta baqylaýǵa alyndy.

Sonymen birge eki kún buryn Adana oblysynyń Feke aımaǵynda belgisiz sebeppen shyqqan orman órti oqshaýlandy.

Aımaqtyq orman sharýashylyǵy basqarmasynyń 70 qyzmetkeri men 5 tehnıka jumys istedi. Órt sóndirýshilerdiń der kezinde aralasýynyń arqasynda órt aýyzdyqtaldy.

19 tamyzda Kahramanmarash provıntsııasynyń Andyryn aýdanynda da orman órti áýeden jáne jerden sóndirildi. Órtti aýyzdyqtaýǵa óńirlik orman sharýashylyǵy basqarmasynyń órt sóndirý bólimderi, 2 ushaq, 7 tikushaq jáne 300 adam jumyldyryldy.

Órt sóndirilip, oqıǵa orny quzyrly organdardyń baqylaýyna alyndy.

Dál osy ýaqytta Túrkııanyń batys bóliginde Izmır provıntsııasynyń ıÝrkmez aýdanynda orman órti tutandy.

Izmır aımaqtyq orman sharýashylyǵy basqarmasynyń brıgadalary tez arada iske kiristi. Avıatsııanyń, órt sóndirý mashınalary men aýyl sharýashylyǵy tehnıkasynyń shuǵyl aralasýynyń arqasynda órt aýyzdyqtaldy.

Eki kún buryn ıAla oblysynyń eldimekenderine jaqyn orman aımaǵynda iri órt tutanǵan. Ony sóndirýge 4 ushaq, 4 tikushaq, 10 kólik jáne býldozer jumyldyryldy.

Osy ýaqytta Balykesır qalasynyń Kepsýt aýdanynda orman órti aýyzdyqtaldy. Saban tıelgen kólikten shyqqan órt ormanǵa jaıylǵan.

Jerde 8 ushaq, 8 tikushaq, 87 tehnıka jáne 400-den astam adam jumys istedi.

Tilsiz jaý tirkelgen aımaqtarda órttiń sebebin anyqtaý úshin arnaıy komıssııa quryldy.

Órt bir-eki kún aıyrmashylyqpen bir mezgilde bastalǵandyqtan jergilikti bılik qasaqana órteý nusqasyn joqqa shyǵarmaıdy.

Ázirge zardap shekkender men qaza tapqandar týraly aqparat túsken joq.