Túrkııada belgisiz bireý oqýshylarǵa oq jaýdyrdy

ASTANA. QazAqparat - Túrkııanyń Gazıantep qalasynda belgisiz er adam mektepke oq jaýdyrdy, dep habarlaıdy Trend.

Milliyet gazetiniń habarlaýynsha, atys saldarynan jeti adam jaralanǵan, onyń beseýi mektep oqýshylary.

Oqys oqıǵa mektep aýmaǵynda, balalar fýtbol oınap júrgen kezde bolǵan. Qaskóı avtomatty vıntovkany paıdalanǵan.

Polıtsııa kúdiktini izdestirip jatyr. Zardap shekkender aýrýhanaǵa jetkizildi.