Túrkııada basylǵan 2 myń kitap almatylyq oqyrmandarǵa tartý etildi

NUR-SULTAN. QazAqparat – Búgin Almatyda qazaqtyń klassık aqyn-jazýshylarynyń Túrkııada basyp shyǵarylǵan kitap-albomdarynyń qala kitaphanalaryna tabystaý rásimi ótti, dep habarlaıdy QazAqparat tilshisi.

Іs-shara barysynda Qazaqstan Respýblıkasy Táýelsizdiginiń 30 jyldyǵyna oraı Halyqaralyq «TÚRKSOI» uıymy shyǵarǵan qazaqtyń klassık aqyn-jazýshylarynyń 24 kitap-albomynyń 2 000-ǵa jýyq danasy Almaty qalasynyń kitaphanalaryna tartý etildi. Onyń ishinde úsh tilde jarııalanǵan «Abaı», «Úsh Arys», «Oljas Sýleımenov», «Shyńǵys Aıtmatov», «Qalam men qaǵazdyń mahabbaty» syndy kitaptar bar.

«TÚRKSOI uıymynyń Bas hatshysy Dúısen Qaseıinovtiń bastamasymen osyndaı bastamany qolǵa aldyq. Bul tek Almaty qalasynda ǵana emes elimizdiń ózge de óńirlerinde jalǵasyn tabady. Aldaǵy josparymyzda Qaraǵandy qalasy bar» - dedi elimizdiń TÚRKSOI-daǵy ókili Baqytjan Omar.

Aıta keteıik, Almatyda ótken is-sharaǵa «TÚRKSOI» uıymyndaǵy Qazaqstan Respýblıkasynyń ókilderi jáne elimizdiń shyǵarmashylyq zııaly qaýymy qatysty.