Túrkııada balalarǵa zorlyq kórsetken azǵyn 108 jylǵa sottaldy
ASTANA. QazAqparat - Túrkııada kámeletke tolmaǵan balalarǵa zorlyq jasaǵan 29 jastaǵy azamat 108 jylǵa bas bostandyǵynan aıyryldy.
«Nızıl» bosqyndar lagerinde tazalaýshy bolyp jumys istegen túrik azamaty azyn-aýlaq aqsha usynyp, 8-12 jas aralyǵyndaǵy balalarǵa zorlyq-zombylyq kórsetken. Ol óziniń pasyq oıyn 3 aı boıy iske asyryp kelgen. Alaıda ashynǵan bosqyndar prokýratýraǵa aryz berip, azǵyndy abaqtyǵa jabýdy talap etken bolatyn, dep jazady 24.kz.
Ol ótken jyldyń qyrkúıeginde qolǵa tústi. Aıta ketý kerek, Sırııadaǵy turaqsyzdyq bastalǵaly beri Túrkııa bul elden 2 mln 700 myń bosqyndy qabyldaǵan.
Foto: informburo.kz
