Túrkııada áıel-polıtseılerge hıdjab kııýge ruqsat berildi
ASTANA. QazAqparat - Túrkııada áıel polıtseıler áskerı kıimniń bir bóligi retinde hıdjap kıip júre alatyn boldy, dep habarlady RIA Novostı Resmi Gazete basylymyna silteme jasap.
Gazette jarııalanǵan qaýlyǵa sáıkes áıel-polıtseıler áskerı bas kıimniń astynan oramal tartý quqyǵyna ıe boldy, ol da áskerı kıim túsimen birdeı ári sýret bolmaýy tıis.
Bul jańalyqty Túrkııanyń negizgi oppozıtsııalyq Halyqtyq-respýblıkalyq partııasy basshysynyń orynbasary Velı Akbaba synǵa aldy, ol ony polıtseılerdiń «ádiletti bolýyna keri áser etedi», dep atady.
«Polıtseıdiń óziniń dinı erekshelikterin kórsetýi qoǵamda alaýyzdyqty kúsheıdtedi», degen onyń sózin keltirgen Cumhuriyet gazeti.
2013 jyly sol kezde eldiń premer-mınıstri qyzmetindegi Taıyp Erdaoǵannyń úkimeti 1923 jyly Túrik Respýblıkasynyń negizi qalanǵannan keıin elde kúshinde bolǵan memlekettik qyzmetshilerge hıdjap kııýge tyıymdy alyp tastaǵan bolatyn.
