Túrkııada avtobýstyń aýdarylýy saldarynan 20 adam qaza tapty
ASTANA. 23 qańtar. QazAqparat - Túrkııanyń Kaıserı provıntsııasynda beısenbi kúni reıstik avtobýstyń aýdarylyp, jol jıegindegi jyraǵa qulaýy saldarynan 20 jolaýshy qaza tapty, taǵy 28 adam japa shekti, dep habarlaıdy ITAR-TASS.
Jergilikti telearnalardyń málimetteri boıynsha, jol-kólik oqıǵasy Pynarbashı-Gıýrıýn halyqaralyq tas jolynda oryn alǵan. Zardap shegýshilerdiń barlyǵy jaqyn mańdaǵy aýrýhanalarǵa jetkizildi, apat ornynda qutqarýshylar men polıtsııa qyzmetkerleri jumys jasap jatyr. Avtobýs ishinde Túrkııa azamattary bolǵan. Qazirgi ýaqytta oqıǵa ornynda apat zardaptaryn joıý jumystary júrgizilýde. Jol-kólik oqıǵasy sebepteriniń ishinde joldyń nasharlyǵy, júrgizýshiniń beıqamdyǵy tárizdi faktorlar atalyp otyr.
