Túrkııada avtobýs aýdaryldy: 5 adam qaza taýyp, ondaǵany jaraqattandy
ASTANA. QazAqparat - Túrkııada Ankara - Aqsaraı avtomagıstralinde jolaýshylar avtobýsy aýdaryldy, dep habarlaıdy QazAqparat Haberturk telearnasyna silteme jasap.
Ystanbuldan shyqqan avtobýs Adyıaman qalasyna bara jatqan. Aqsaraıdan 15 shaqyrym jerde júrgizýshi rýlge ıe bola almaı, kólik aýdarylǵan. Apat saldarynan kem degende 5 adam qaza taýyp, qyryqtan astamy zardap shekti.
Oqıǵa ornyna shuǵyl medıtsınalyq járdemniń kóptegen brıgadalary attandyryldy. Sondaı-aq órt sóndirýshiler men polıtsııa dereý jetken. Jaraqattanǵandar aýrýhanaǵa jetkizildi.
Apattyń naqty sebepteri týraly ázirge egjeı-tegjeıli aqparat joq. Tergeý amaldary júrip jatyr.
