Túrkııada avtobýs apatynda 16 reseılik qaza boldy
ASTANA. Mamyrdyń 25-i. QazAqparat - Túrkııada týrıster mingen avtobýstyń ózenge qulaýynyń saldarynan 16 reseılik qaza boldy, taǵy 25 RF azamaty jaraqat aldy. Tótenshe oqıǵa búgin tańerteń máskeý ýaqyty boıynsha 06:30-da oryn alǵan:
Antalııadan Pamýkkalege bara jatqan avtobýstyń júrgizýshisi rýlde uıyqtap qalyp, sonyń saldary osyndaı qaıǵyly oqıǵaǵa ákelgen.
Oqıǵa saldarynan avtobýs 15 metrlik bıiktikten Aqsý ózenine qulap ketken. Qazir qaza bolǵandardyń tulǵalaryn anyqtaý amaly júrip jatyr, dep habarlaıdy «RIA «Novostı» agenttigi.
Jaralylardy jetkizý úshin RF Tótenshe jaǵdaılar mınıstrligi Prezıdent Dmıtrıı Medvedevtiń tapsyrmasy boıynsha Antalııaǵa ushaq jóneltkeli otyr. Máskeý ýaqyty boıynsha saǵat 15.00-te Ramenskoe aerodromynan Antalııaǵa jaralylardy tasymaldaýǵa arnalǵan bes arnaıy medıtsınalyq modýlmen jaraqtalǵan Il-76 ushaǵy attanady. Túrkııaǵa sondaı-aq, bir top dáriger men psıhologtar da barady.
