Túrkııa áskerı ónim eksporty boıynsha jańa rekord ornatty

ASTANA. KAZINFORM – Túrkııa 2025 jyldyń aqpan aıynda qorǵanys jáne aeroǵarysh ónimderi eksportynyń maksımaldy ósimin kórsetti, dep habarlaıdy Kazinform menshikti tilshisi.

Resmı derekterge sáıkes, eksport kólemi ótken jyldyń sáıkes kezeńimen salystyrǵanda 44 paıyzǵa artyp, 434 mln-dy quraǵan. 2024 jyldyń aqpan aıynda bul kórsetkish 300 mln dollardy qurady.

Bul nátıje halyqaralyq naryqta aıtarlyqtaı ósip, keńeıip kele jatqan Túrik qorǵanys ónerkásip kesheni (QÓK) úshin mańyzdy jetistik.

Búginde elde áskerı tehnıkany, onyń ishinde ushqyshsyz ushý apparattaryn, áskerı tikushaqtardy jáne áýe shabýylyna qarsy qorǵanys júıelerin, sondaı-aq aeroǵarysh ónerkásibine arnalǵan quramdas bólikterdi óndirý men eksporttaý belsendi túrde damyp keledi.

Qorǵanys eksportyndaǵy ósim sonymen qatar ártúrli elderdiń qorǵanys qabiletin nyǵaıtýǵa jáne áskerı júıelerin zamanaýı standarttarǵa jańartýǵa umtylatyn túrik tehnologııalaryna suranystyń artýymen baılanysty.

Búginde Túrkııa álemdik qorǵanys ónerkásibindegi básekege qabilettiligin arttyrýǵa kómektesetin qoljetimdi baǵamen joǵary tehnologııalyq sheshimderdi usynyp otyr. Bul onyń álemdik qorǵanys ónerkásibinde básekege qabilettiligin nyǵaıtýǵa septigin tıgizýde.

Buǵan deıin Túrkııa Qazaqstanǵa ushqyshsyz avıatsııalyq júıelerin tegin beretinin jazǵan bolatynbyz.