Túrkııada arandatýshylyq maqsatynda áleýmettik jelide jalǵan aqparat taratqan 37 adam ustaldy
ASTANA. KAZINFORM – Túrkııada Ystambul meri Ekrem Imamoglý tutqyndalǵan kezde arandatýshylyq maqsatynda áleýmettik jelilerde jalǵan aqparat taratqan 37 adam ustaldy.
Bul týraly Túrkııanyń ishki ister mınıstri Alı Ierlıkaıa málimdedi, dep habarlaıdy HaberGlobal.
Onyń aıtýynsha, barlyǵy 261 akaýnttan oqıǵaǵa qatysty habar taratylǵan, onyń 62-si shetelden basqarylǵan.
– 37 adam ustaldy, arandatýshylyqqa qatysy bar qalǵandardyń turǵan jerin anyqtaý jumystary júrgizilýde. Akkaýnttardyń 66 paıyzy jeke, 34 paıyzy bottar, – dedi Erlıkaıa.
Aıta keteıik, Erdoǵannyń basty qarsylasyn tutqyndaýǵa order berilgen bolatyn.
Ystanbul qalasynyń meri Ekrem Imamoglý men onyń baspasóz keńesshisi Murat Ongýn arnaıy operatsııa kezinde tutqyndaldy.
Túrkııa bıligi Ystambul meri ustalǵannan keıin sherýge shyǵýǵa tyıym saldy.