Túrkııada antıterrorlyq is-sharalar ótti: 90 adam ustaldy

ASTANA. KAZINFORM — Túrkııada halyqaralyq «Islam memleketi» (Qazaqstanda tyıym salynǵan uıym) terrorıstik uıymyna qarsy aýqymdy reıdter júrgizildi, dep habarlaıdy Kazinform agenttiginiń Ankaradaǵy menshikti tilshisi. 

Túrkııa Іshki ister mınıstrliginiń málimetinshe, eldiń birden 24 provıntsııasyn qamtyǵan antıterrorlyq operatsııa barysynda «Islam memleketi» uıymymen baılanysy bar, ony qarjylandyrǵan jáne nasıhattaǵan degen kúdikpen 90 adam ustaldy.

Ustalǵandardyń basym bóligi — atalǵan uıymǵa múshelikke kúdiktiler nemese onymen baılanysy bar tulǵalar. Kúdiktilerdiń bir bóligi terrorıstik uıymdy «qaıyrymdylyq qurylymdary» arqyly qarjylandyrǵan, al endi bireýleri áleýmettik jeliler arqyly terrorızmdi nasıhattaýmen aınalysqan.

Vedomstvo mundaı operatsııalar terrorıstik jelilerdiń qyzmetin, onyń ishinde olardyń qarjylyq jáne aqparattyq ınfraqurylymyn joıýǵa baǵyttalǵanyn atap ótti.

Buǵan deıin Túrkııanyń 35 provıntsııasynda da osyndaı arnaıy operatsııalar júrgizilip, 184 adam ustalǵany habarlanǵan edi. 

Aıta ketelik Túrkııada áleýmettik jelide mektepterge shabýyl jasaımyz dep qorqytqandarǵa qatysty tergeý bastalǵany týraly jazǵan edik.