Túrkııada alpınıster mingen shaǵyn avtobýs apatqa ushyrady
ASTANA. KAZINFORM — Antalııa provıntsııasynda alpınıster mingen shaǵyn avtobýs jol jıegindegi jyraǵa aýdarylyp ketti, dep habarlaıdy Kazinform agenttiginiń Ankaradaǵy menshikti tilshisi.
Antalıa provıntsııasyndaǵy Kýmlýdja aýdanynda alpınısterdi tasymaldaǵan shaǵyn avtobýs joldan shyǵyp, jyraǵa aýdaryldy. Jol apatynan júrgizýshini qosa alǵanda, 15 adam zardap shekti.
Túrkııanyń mygazete basylymynyń habarlaýynsha, shaǵyn avtobýs Adrasan aýdanynan jolǵa shyǵyp, Mavıkent oramyndaǵy Cherdın jerinde apatqa ushyraǵan.
Júrgizýshi rólge ıe bola almaı, mıkroavtobýs joldan shyǵyp, aýdarylyp ketken.
Oqıǵa ornyna jedel járdem brıgadalary, órt sóndirýshiler men jandarmerııa qyzmetkerleri jiberildi. Medıtsına qyzmetkerleri zardap shekkenderge alǵashqy kómek kórsetip, Kýmlýdja jáne Fınıke aýdandaryndaǵy aýrýhanalarǵa jetkizdi.
Zardap shekkenderdiń jaǵdaıy ázirge belgisiz. Jandarmerııa apattyń mán-jaıyn anyqtaý úshin tergeý bastady.
Eske sala keteıik, buǵan deıin Túrkııada týrıster mingen avtobýs pen júk kóligi soqtyǵysyp, 11 adam qaza tapqan edi.
