Túrkııada almatylyq fýtbolshylar Lvov quramasyn 3:1 esebimen utty
ALMATY. 1 naýryz. QazAqparat /Erlik Erjanuly/ - Keshe Túrkııada oqý-jattyǵý jıynyn ótkizip jatqan «Qaırat» pen «Pogon» fýtbol klýbtary joldastyq kezdesý ótkizdi.
Onda almatylyqtar Polshanyń Lvov qalasyndaǵy qurdastaryn 3:1 esebimen jeńdi. Dmıtrıı Ogaı jatttyqtyratyn «Qaırat» fýtbol klýbynyń bul bıylǵy jańa maýsymǵa daıyndyq kezinde Túrkııada ótkizgen sońǵy joldastyq kezdesýi bolyp otyr. Olar búgin túnde keshki áýe reısimen elge oralmaq. Buǵan deıin 19 aqpanda Serbııanyń Birinshi lıgasyndaǵy Pechıntsı qalasynyń «Donı Srem» komandasyna 0:3 esebimen utylyp, Reseıdiń 1-dıvızıonyndaǵy Kalınıngradtyń «Baltıkasymen» teń tústi. Odan keıin 22 aqpanda Ýkraına Premer-lıgasynda óner kórsetetin «Volyn» komandasynan 1:2 bop utylyp, Reseıdiń Ekinshi dıvızıonyndaǵy Belgorodtyń «Salıýt» komandasymen 0:0 bop tarasty. Al 25 aqpanda Reseıdiń Birinshi lıgasynda óner kórsetetin Hımkı qalasynyń komandasynan 0:1, kelesi kúni Irannyń Isfahan qalasynyń «Sepahan Sport» komandasynan 1:5 esebimen oısyraı utylǵan bolatyn.
