Túrkııada alǵash ret ózgeniń jatyrymen bala kóterdi
ASTANA. 15 sáýir. QazAqparat -Túrkııada alǵash ret ózgeniń jatyrymen bala kóterdi. Bul jaıynda túrik dárigerlerine silteme jasap,
muslim.kz saıty habarlady.
«Týǵannan jatyry joq qyzǵa osy olqylyqtyń ornyn toltyrý úshin jasalǵan ota budan eki jyl buryn sátti aıaqtalǵan bolatyn. Uzaq ýaqytqa sozylǵan emdeý sharalarynan keıin oǵan ana bolý baqyty buıyrdy. Bul arada osyndaı kúrdeli otany sátti aıaqtaǵan mamandardyń jetistigin aıtpaı ketýge bolmaıdy. Donorlyq organ bóten aǵzaǵa sátti qondyrylǵan kúnniń ózinde áıeldiń bala kótere qoıýy ekitalaı edi», - dep jazady Áziret Sultan meshitiniń resmı saıty.
Perzent súıý baqytyna ıe bolǵan 22 jastaǵy Derııa Serttiń jasandy jolmen uryqtandyrylǵanyn aıta ketý kerek. Osylaısha, ol donorlyq jatyrmen bala tabatyn alǵashqy áıel bolaıyn dep tur. Ótken jyly mundaı jaǵdaı Shvetsııada da oryn alǵan. Shved dárigerleri eki áıeldiń jatyryn qyzdaryna salyp, operatsııany sátti aıaqtaǵan edi. Alaıda, olardyń bala kótergeni nemese kótermegeni týraly aqparat joq.
