Túrkııada alǵash ret hakerlerge qatysty sot bastaldy
ASTANA. 28 qarasha. QazAqparat - Túrkııada hakerlerge qarsy - Redhack dep atalatyn hakerler tobyna qatysýshylarǵa sot bastaldy, dep habarlady «Kýrs» saıty.
Sot topqa qatysýshy on adamǵa aıyptaý jarııalady. Olardy lańknestikke aıyptaýda. Jyl basynan beri olardyń úsheýi qamaýda otyrdy.
Aıyptaý ókilderiniń aıtýynsha, 1997 jyldan beri, ıaǵnı on bes jyldan astam ýaqyt boıy, hakerler zańsyz túrde jahandyq jelini paıdalanýshylardyń jeke aqparattaryna qol jetkizgen. Búdan basqa olar kompıýterler júıesin buzyp, ártúrli qupııa qujattarǵa qol jetkizgen, dep habarlady Global Post.
Hakerlerdiń áreketiniń saldarynan jeke adamdar men kompanııalar, sondaı-aq memlekettik qurylymdar zardap shekti. Hakarlerden barlaý jumysy, eldiń ınternet-retteýshisi jáne tipti Turkish Airlines avıakompanııasy da zardap shekti.
Prokýratýra hakerler quqyq tártibin buzǵany, tipti memlekettik ókimetke qater tóndirgeni úshin jaýap berýleri tıis dep sanaıdy. Al aıyptalýshylar bolsa, ózderiniń pikir aıtý bostandyǵyn kózdegenin ýáj etedi.
Hakerlerge qarsy úderisterge qatysýshylar 8 jyldan 24 jylǵa deıin túrmege jabylýy múmkin.
Aıyptaýshy tarap ókilderi Redhack hakerler tobynyń Anonymous halyqaralyq tobymen baılanysta bolýy olavrdyń kinálaryn aýyrlata túsedi, dep sanaıdy.
Bıylǵy jyldyń basynda Anonymous qozǵalysynyń ókilderi Túrkııa ókimet oryndarynan armıandarǵa genotsıd jasalǵanyn moıyndaýdy talap etti, áıtpese jappaı kıbershabýyldar jasaıtynyn aıtypqorqytty. 27 sáýirde Anonymous Túrkııanyń úkimettik saıttaryna jappaı shabýyl jasady, al Redhack toby hakerlerdi qoldaýmen qatar Anonymous qyzmetine qosylatynyn málimdedi.
